流光
作者、攝影：莊源鎮
年頭我佇在濁水溪欣賞木棉花，
溪水丹田擱有力，日日夜夜換唱無仝的旋律，
一目聶就到年尾，溪身擱瘦去，水聲降key唱低音，
原來，時間會若行若唱歌。
初一早起，聽到雨聲唱袜停，心情足歡喜，這是甘霖，
央望春雨落濟濟，有春天的花蕊來報喜。
初4早守在潭邊翕日出，一絲一絲黃金光線，一下就無去
親像我的烏頭鬃一目聶仔變作白頭鬃，
原來，歲月會隨光影消失。
註：歲次壬寅年2月初4日月潭長堤翕日出筆記。
本文選自《生活潮藝文誌》第十七期，值得對電影、藝文有興趣的年輕人關注，各大網路書店現正販售中。